1. Skip to Menu
  2. Skip to Content
  3. Skip to Footer

«Болашақ» университеті

 

«Болашақ» университеті – Қазақстан Республикасының аймақтық білім және мәдениет орталығы.

 

Университетте білім беру ісі 42 бакалавриат, 6 магистратура мамандықтары бойынша 2 факультетте, 7 кафедрада, 32 мамандық бойынша университет колледжінде және 6 медициналық мамандық бойынша «Болашақ» медициналық колледжінде жүргізіледі. «Болашақ» университетінің бүгінгі таңдағы миссиясы – отандық ғылымның алдыңғы қатарында болып, егемен еліміздің экономикасына ең жақсы кадрлар даярлау.

«Болашақ» университеті

Күнтізбе

<< < Қараша 2017 > >>
Дс Сс Ср Бс Жм Сб Жс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Студенттер назарына

platonus

nu
enu
global
 

Валюта бағамы

«Болашақ» жастары

Ауа-райы болжамы


Жаңалықтар

УНИВЕРСИТЕТ СТУДЕНТІ БОКСТАН ЖҮЛДЕЛІ ОРАЛДЫ

 

 

 

 

«Болашақ» университетінің студенті Нұржанат Тілеумбетова Атырау қаласында өткен Халықаралық турнирге қатысып, қола жүлдеге ие болды. Турнир Кеңес Одағының батыры Әлия Молдағұлова, Мәншүк Мәметова және Хиуаз Доспановты еске алуға арналды. Екінші рет өткізіліп отырған турнирге Қазақстан, Өзбекстан, Тәжікстан құрамалары келіп бақ сынады. Нұржанат Тілеумбетова қазіргі таңда қаламыздағы «Тарлан» бокс орталығында жаттығу жұмыстарын жүргізіп, арнайы бапкермен үздіксіз дайындық үстінде.

 

«100 НАҚТЫ ҚАДАМ – ТӘУЕЛСІЗ ҚАЗАҚСТАН»

Болашақ университетінде «100 нақты қадам – Тәуелсіз Қазақстан» тақырыбында дөңгелек үстел өтті.Дөңгелек үстелде жастарға «Біртектілік пен бірлік» институционалдық реформасы аясындағы бірнеше жобалар қатары түсіндірілді. Сонымен қатар қоғамдағы өзекті мәселелердің бірі сыбайлас жемқорлыққа қарсы мәдениетті қалыптастыру, діннің тұрақтылығы мен ұлтараздылықтың елімізде белең алмауы және де алдын алу шаралары сөз болды. Одан әрі 86-қадамдағы  Қазақстан халқы Ассамблеясының «Үлкен ел - Үлкен отбасы» кең көлемді жобасын жүзеге асыруда азаматтық қоғамның бүтіндігін қалыптастыру үшін жасалған жағдайға тоқталды. Жиын соңында студенттер мен мамандар арасында пікір алмасты.  

 

ӘБІШ КЕКІЛБАЕВ АТЫНДАҒЫ ДӘРІСХАНА АШЫЛДЫ

 

 

 

 

Қазақстанның халық жазушысы, ҚР мемлекеттік сыйлығының лауреаты, көрнекті мемлекет және қоғам қайраткері, Қазақстанның Еңбек Ері Әбіш Кекілбайұлының дүниеден озғанына биыл 1 жыл толды.Заманымыздың заңғар жазушысы Ә.Кекілбайұлының өнегелі өмірін өскелең ұрпаққа дәріптеу мақсатында «Болашақ» университетінде арнайы дәрісхана ашылды. Ә.Кекілбаев туралы сыр шертетін бұл аудиторияда 7 сөре қамтылған. Мұндағы әр витрина қабырғалы қайраткердің қалыптасу, толысу, кемелденген шақтарын суреттейді. 

Толығырақ...

ЖАҢА НӨМІРЛЕР ЖАРЫҚ КӨРДІ

 

 

 

«Болашақ» университеті Чехияның «Социосфера» ғылыми-баспа орталығымен келісім-шарт негізінде «Қазіргі шарттардағы тәрбие берудің мақсаттары, міндеттері және құндылықтары» тақырыбындағы ІІІ Халықаралық ғылыми-тәжірибелік конференцияның материалдарын жарыққа шығарды. Біздің оқу орнымызбен бірге конференцияның ұйымдастыру комитетіне Саяси зерттеулер Ассоциациясының Қызылорда облыстық филиалы, Краснодар қаласындағы байланыс әскери академиясының филиалы, Ташкент ислам университеті қатысты.Сонымен қатар, университет «Молодой ученый» журналының кезекті арнайы шығарылымын жарыққа шығарды. Барлық материалдарды университет сайтынан және шет елдік әріптестердің сайттарынан таба аласыздар

«ТӘУЕЛСІЗДІК – МӘҢГІЛІК ЕЛ МҰРАТЫ!»

 

 

 

 

Тәуелсіздіктің 25 жылдығына орай «Болашақ» университетінің мәжіліс залында «Тәуелсіздік – мәңгілік ел мұраты» атты дөңгелек үстел өтті. Шара журналистика мамандығы студенттерінің арнайы дайындаған бейнеролигімен ашылды. Ширек ғасырдағы еліміздің өткені мен  бүгіні суреттелетін бұл  ролик дөңгелек үстелге келгендердің әрбіріне ерекше әсер қалдырды. Аталған шараға т.ғ.д., профессор Дастан Сәтбай, Қызылорда облысы Кәсіпкерлер қауымдастығының төрағасы Сұлтан Әшімұлы, ф.ғ.к. Сара Тайманова және үкіметтік емес ұйымдар өкілдері қатысты.Дөңгелек үстелге «Руханиятты жаңғырту» қоғамдық қорының директоры, ф.ғ.к., оқу орнымыздың аға оқытушысы Нұрлан Нұрмаханов модераторлық жасады. Жиында аға буын мен жастар өзара ой бөлісіп, тұшымды пікір алмасты. Сондай-ақ, бүгінгі күннің мәселелері мен жетістігі турасында сөз қозғалды.

 

Тұтынушылардың құқықтары талқыланды

 

 

 

 

 

 

 

«Болашақ» университетінің мәжіліс залында көлеңкелі экономиканы жою, салық мәселелері бойынша түсіндірме жұмыстарын жүргізу мақсатында дөңгелек үстел өтті. Дөңгелек үстелге Мемлекеттік кірістер басқармасы басшысының орынбасары Бектас Нұриддинов және басқарма мамандары, университет оқытушылары мен студенттері қатысты.Дөңгелек үстелде тұтынушылардың өз құқықтарын қалай қорғау керектігі жөнінде мәліметтер берілді. Сондай-ақ, «Атамекен» кәсіпкерлер палатасының ұйымдастыруымен 1 қазан мен 15 желтоқсан аралығында өтетін «Чек талап ет және ұтып ал!» акциясы, Wipon бағдарламасы  туралы айтылды.Шара одан әрі оқу орнының студенттері ұйымдастырған флешмобпен жалғасын тапты.