1. Skip to Menu
  2. Skip to Content
  3. Skip to Footer

Университет тарихы

phasad

 

«Болашақ» университетінің тарихы

 

        «Болашақ» университетінің тарихы  1995 жылы Сыр өңірінде Мәскеу Халықаралық бизнес және ақпараттық технологиялар университеті филиалының ашылуынан бастау алады.

1998-2001 жылдары университетте Л.Н. Гумилев атындағы Еуразия ұлттық университетінің филиалы жұмыс істеді.

  1999 жылы Қазақстан Республикасының «Білім туралы» Заңының қабылдануына байланысты оқу орны дербес «Қызылорда Экономика, статистика және информатика университеті» болып қайта құрылды. Ал, 2000 жылы университет жанынан колледж ашылды.

2001 жылдың 12 желтоқсанында ҚР Білім және ғылым министрлігінің АА №0000073 лицензиясын алуына байланысты «Қызылорда Экономика, статистика және информатика университеті» «Болашақ» университеті болып қайта құрылды.

 2013 жылы «Болашақ» медициналық колледжі ашылды.

 2005 жылы «Болашақ» университеті «Іскерлік тәжірибенің жоғарғы сапасы үшін» халықаралық қорының Алтын медалімен, 2006 жылы Қазақ-Швейцария  Бизнес Клубын дамытудағы «Мінсіз іскерлік беделі үшін» Алтын медалімен марапатталды.

2006 жылы университет өкілдері Париж қаласында өткен экономистердің ІІІ Халықаралық Ассоциациясының басқосуына қатысты.    

 Университет 2015 жылы мемлекеттік аттестациядан, 2014 жылы институционалдық аккредитациядан өтті.

 Университет құрылымы Қамқоршылар кеңесі, ғылыми жетекші, Ғылыми кеңес, ректор, коммерциялық орталық, 2 проректор, 3 факультет, 7 кафедра, оқу-әдістемелік басқарма, Коммерциялық орталық, Тіркеу офисі, студенттер бөлімі, қашықтықтан оқыту орталығы, жұмысшы кадрларды дайындау және қайта даярлау орталығы, IT технологиялар орталығы, кітапхана, азаматтық қорғаныс бөлімі, мұрағат бөлімі, әкімшілік-шаруашылық бөлімі, «Болашақ» колледжі, «Болашақ» медициналық колледжі, Ғылыми-зерттеу институты, Ғарыштық ғылыми - зерттеу жұмыстары зертханасы, Агробиотехнологиялар ғылыми зертханасы, Әлеуметтік - экономикалық және саяси зерттеулер орталығы, «Астаукөл» оқу-тәжірибелік және сауықтыру орталығы, «Балжансай»  агробиологиялық және ғылыми-тәжірибелік участогы, кадрлар бөлімі, бухгалтериядан тұрады.

  Бакалавриаттың 42 мамандығы және магистратураның 6 мамандығы бойынша мамандар даярланады. Университетте 4000-нан астам студент білім алады.

 Университеттің  материалдық-техникалық базасын:

 - 4 оқу ғимараты;

   - 378 орындық секциялық типтегі 1 жатақхана («Студенттер үйі»);

   - 2 спорт  зал;

   - 2  компьютерлік  технологиялар орталығы;

   - 2 асхана;

   - 1 баспахана;

   - 2 медициналық пункт;

   - 2 кітапхана;

   - «Студенттер Сарайы»;

   - жұмысшы кадрларды дайындау және қайта даярлау орталығы;

   - «Астаукөл» оқу-тәжірибелік және сауықтыру орталығы;

   - «Балжансай»  агробиологиялық және ғылыми-тәжірибелік участогы;

     - Ғылыми - зерттеу институты;

     - Ғарыштық ғылыми - зерттеу жұмыстары зертханасы;

     - Агробиотехнологиялар ғылыми зертханасы;

   - Әлеуметтік - экономикалық және саяси зерттеулер орталығы құрайды.

      Университетте даярланатын мамандықтар дәрісханалармен, оқу кабинеттерімен және түрлі оқу зертханаларымен қамтамасыз етілген. Сонымен қатар, телестудия, «Дизайн» студиясы, хореография студиясы, Жастар театры, түрлі спорттық үйірмелер мен дебат, КВН клубтары жұмыс жасайды.