Талапкер 2023

ҚЫЗЫЛОРДА «БОЛАШАҚ» УНИВЕРСИТЕТІ

талапкерлерді оқуға шақырады

Қызылорда «БОЛАШАҚ» университеті 2023-2024 оқу жылына күндізгі және күндізгі қысқартылған оқыту нысаны бойынша төмендегі бакалавриат және магистратура білім беру бағдарламаларына ақылы негізде оқуға түсу үшін талапкерлерден құжаттар қабылдайтынын хабарлайды.

Қызылорда «Болашақ» университеті – Сыр өңіріне ғана емес, елімізге жоғарғы дәрежелі мамандар даярлаудағы мол тәжірибесі бар, 28 жылдық тарихи дамуды еңсерген сапалы білім беретін жоғары оқу орны.

Қызылорда «Болашақ» университеті – мерзімі шектелмеген лицензиясы бар (№ KZ91LAA00032513), «Іскерлік тәжірибенің жоғарғы сапасы үшін» Алтын медалінің (Швейцария), «Халықаралық ғаламдық сапаны дамыту» Алтын сертификатының және «Мінсіз іскерлік беделі үшін» бағдарламасының Алтын медалінің (Швейцария) иегері.

БАКАЛАВРИАТ МАМАНДЫҚТАРЫ

ЖОҒАРЫ ОҚУ ОРНЫНАН КЕЙІНГІ БІЛІМ - МАГИСТРАТУРАДА ДАЯРЛАУ БАҒЫТТАРЫ

Университетке оқуға қабылдау Қазақстан Республикасы Білім және ғылым министрлігінің 2018 жылғы 31 қазандағы №600 бұйрығымен бекітілген Жоғары білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидалары негізінде жүзеге асырылады.

Университетке жалпы орта, техникалық және кәсіптік (бастауыш және орта кәсіптік, орта білімнен кейінгі) және жоғары (жоғары кәсіптік) білімі бар тұлғалар қабылданады.

Техникалық және кәсіптік, орта білімнен кейінгі білімі бар (колледж) тұлғаларды жоғары оқу орындарына ақылы негізде қысқартылған мерзім бойынша ұқсас мамандықтарға емтихансыз оқуға қабылдайды. Ұқсас мамандықтар тізбесін білім беру саласындағы уәкілетті орган бекітеді.

Жоғары білімі бар тұлғаларды жоғары оқу орындарына ақылы негізде қысқартылған мерзімге оқуға қабылдауды университеттің қабылдау комиссиясы жүзеге асырады.

ҰБТ-ға тіркеу Ұлттық тестілеу орталығының (https://testcenter.kz/) сайтында жүзеге асырылады. Тіркелу барысында тестілеу күні мен уақыты бірден белгілі болады. Мемлекеттік грант конкурсына қатысу үшін ҰБТ-ны 2 рет: сәуір, мамыр немесе маусым айларында тапсыруға болады. Өтініш беруші ең жақсы нәтижесін конкурсқа жібере алады.

Ескерту: тестке бір күнде 2 рет қатыса алмайсыз! Егер үміткер ҰБТ-ны сәуір айында тапсырған болса, онда ол оны бірнеше күнде немесе мамыр, маусымда қайта тапсыра алады. Дайындық үшін қысқа уақытқа үзіліс жасауға болады.

Ақылы негізде оқуға түсу үшін тестілеу наурыз айында өтеді.

Пәндердің саны – 3 міндетті пән, 2 пәні таңдау болып табылады. Тестілеу уақытында үміткер тестілеу аяқталғанға дейін, алдыңғы сұраққа қайта оралып, жауабын өзгерте алады. Аяқтау мәзірін басқаннан кейін, тест нәтижесе экранда бірден көрсетіледі. Үміткер алған нәтижеге қанағаттанбаған жағдайда, аппеляцияны бірден, электронды түрде бере алады.

Ең жоғарғы, максималды балл – 140 балл, тестілеу уақыты - 240 минут.

Маңызды! Егер ҰБТ тапсыру уақытында үміткерден, ұялы телефон немесе шпаргалка қолданғаны байқалса, тестілеу автоматты түрде тоқтатылады.

Шығармашылық дайындықты талап ететін жоғары білімнің білім беру бағдарламаларының тобына шығармашылық емтихан тапсыру үшін өтініш (құжат) қабылдау 20 маусым мен 7 шілде аралығында университеттің қабылдау комиссиясында жүргізіледі.

Шығармашылық емтихан 8-15 шілде аралығында өткізіледі.

ЖОО-ға қабылдау кезінде Қазақстан тарихы, оқу сауаттылығы және екі шығармашылық емтихан есептеледі.

Әр шығармашылық емтихан бойынша максималды балл – 40.

Педагогикалық мамандықтарға түсушілер университеттің қабылдау комиссиясы өткізетін бір арнаулы емтихан тапсырады. Педагогикалық мамандықтарға түсу кезіндегі арнаулы емтихан талапкерлердің педагогикалық қызметке бейімділігін айқындауға бағытталған.

Талапкерлерден педагогикалық мамандықтарға арнаулы емтихан тапсыру үшін құжат қабылдау мен арнаулы емтихан өткізу университетте  20 маусым мен 24 тамыз аралығында жүзеге асырылады.

Ескерту: жоғарыда көрсетілген күндер өзгертілуі мүмкін! Барлық өзгерістер туралы университеттің әлеуметтік желілердегі ресми парақшаларынан - Instagram@ bolashak_edu және қабылдау комиссиясынан біле аласыздар!

Ақылы негізде қысқартылған білім беру бағдарламалары бойынша жоғары білімі бар талапкерлерді қабылдауды университеттің қабылдау комиссиясы 20 маусым мен 20 тамыз аралығында жүзеге асырады, қабылдау емтихандары 20- 24 тамыз аралығында өткізіледі.

Техникалық және кәсіптік немесе орта білімнен кейінгі білімі бар адамдар (колледж бітірушілер) университетке қысқартылған оқыту мерзімдерін көздейтін жоғары білім кадрларын даярлаудың ұқсас бағыттары бойынша ақылы негізде оқуға түсушілерді қабылдауды университеттің қабылдау комиссиясы ағымдағы жылдың 20 маусымы мен 25 тамызы аралығында жүзеге асырады.

Жоғары білімі бар адамдарды қысқартылған оқыту мерзімдерін көздейтін білім беру бағдарламаларына ақылы негізде қабылдауды университеттің қабылдау комиссиясы ағымдағы жылдың 20 маусымы мен 25 тамызы аралығында жүзеге асырады.

Шетел азаматтарын ақылы негізде қабылдау университеттің қабылдау комиссиялары өткізетін әңгімелесу нәтижелері бойынша күнтізбелік жыл ішінде жүзеге асырылады. Бұл ретте шетел азаматтарын қабылдау академиялық күнтізбеге сәйкес келесі академиялық кезеңнің басталуына дейін 5 (бес) күн бұрын жүзеге асырылады.

Шет тілінде берілген құжаттардың мемлекеттік немесе орыс тіліндегі нотариалдық куәландырылған аудармасы болуы тиіс.

Шетелдік білім беру ұйымдары берген білім туралы құжаттар адамдар оқуға қабылданғаннан кейін оқудың 1 (бірінші) академиялық кезеңі ішінде заңнамада белгіленген тәртіппен нострификациялар рәсімінен өтеді.

Магистратураға кешенді тестілеуге өтініштер:

1)       күнтізбелік жылғы 1 маусымнан 5 шілдеге дейін;

2)       күнтізбелік жылғы 25 қазаннан 10 қарашаға дейін қабылданады.

Сонымен қатар, педагогикалық, техникалық, қызмет көрсету, өнер және гуманитарлық мамандықтары бойынша университет колледжінде 32 және «Болашақ» медициналық колледжінде 6 медициналық мамандықтар бойынша мамандар даярланады.

«БОЛАШАҚҚА» ҚАДАМ – КЕМЕЛ КЕЛЕШЕК, БАЯНДЫ БОЛАШАҚТЫҢ БАСТАМАСЫ.

Қабылдау комиссиясының мекен-жайы:120000, Қызылорда қаласы,  Сырдария өзенінің сол жақ жағалауы, № 115 ғимарат.   тел.: 23-45-15.

http://www.bolashak-edu.kz, E-mail: bolashak_5@mail.ru

Маршруттар : 1,4,18,24

Аялдама: «БОЛАШАҚ» университеті.