ЖАҚСЫЛЫҚ ЖАСАП ЖАРЫСАЙЫҚШЫ

Енгізілді: 19.03.2026Қаралғаны: 19 рет

ЖАҚСЫЛЫҚ ЖАСАП ЖАРЫСАЙЫҚШЫ

19 наурыз – Жаңару  күні аясында Қызылорда «Болашақ» университетінде «Жақсылық жасап жарысайықшы» тақырыбында дәстүрлі қайырымдылық жәрмеңкесі өтті.

Іс-шараның басты мақсаты – білім алушыларды еңбекке баулу, қоғамда әлеуметтік көмек көрсетудің маңыздылығын ұғындыру, науқас жандардың еміне материалдық және моральдық қолдау жасау.

Жәрмеңкеде университет білім алушылары өз қолдарынан пісірген ұлттық тағам өнімдерін, сондай-ақ, қолөнер бұйымдарын жұрт назарына ұсынды. Ыстық бәліш, тәтті тоқаш, үй мәнтісі, қолдан жапқан салаттар мен тосаптарды сатып алушылардың жүзінен көрінген мейірім мен ізгілік  жүректерге жылу сыйлады.